Җомга, 14.12.2018, 10:25
Кунак,сәламлим Сезне!
Төп бит » Мәкаләләр » Минем мәкаләләр

Татар халык авыз иҗаты аша балаларның сөйләм телен үстерү
Татар халык авыз иҗаты белән таныштыру
Сөйләм телен үстерү буенча ачык шөгыль
Максат:
- Балаларны татар халык авыз иҗаты белән таныштыруны дәвам итү.
- Балаларны туган телне яратырга өйрәтү.
- Халкыбыз иҗатына мәхәббәт тәрбияләү.

Сүзлек өстендә эш: бармак, чәнти, бәби.

Шәхси эш: Альмир, Данил.
Максат: бармак исемнәрен кабатлату.
Методик алым: әңгәмә, мактау, уен алымы, шигырь сөйләү.

Ярдәмлекләр: бармаклар, уенчык песи, карават.

Кулланылган әдәбият:
1. Бала бишеге – гомер ишеге. Башлангыч сыйныф укытучылары, балалар бакчаларында, милли төркемнәрдә тәрбиячеләр , ата-аналар өчен халык авыз иҗаты әсәрләре җыентыгы . 3 нче басма:Яр Чаллы, "Идел-йорт” нәшрияты, 2002.-144б.
2. "Балалар бакчасында тәрбия һәм белем бирү программасы” /От рождения до школы/ под. ред. Н.Е. Веракса
3. Закирова К.В. Әхлак нигезе – матур гадәт ( Гаиләдә һәм балалар бакчасында әдәп-әхлак тәрбияләү): Методик кулланма /К.В. Закирова, Р.Ә. Кадыйрова.- Казан: Мәгариф, 2004.- 383б.

4. Хрестоматия "Гөлбакча”. Казан, Татар китап нәшрияты, 1990.

- Балалар, карагыз әле. Бүген безгә кунакка апалар килгән . Әйдәгез, бергәләп исәнләшик.
- Исәнмесез.
- Балалар, әйдәгез әле бергәләп түгәрәккә басабыз.
Кулларны кулга куйык
Изге уйларда булыйк.
Кояш нурын юлдаш итеп
Шатланышыйк, дуслашыйк.
(Кочаклашалар)
- Балалар, буген сезнең кәефләрегез ничек ( һәрбер баладан сорап чыгыла).
- Балалар, карагыз әле. Буген безгә кунакка песи килгән. . Ул үзе белән нинди матур тартма алып килгән. Анда нәрсәләр төшерелгән?
- Тартмага чәчәкләр . яфраклар төшерелгән.
- Балалар, карагыз әле моның эчендә бармаклар бар икән. Монысы кем?
- Монысы бабай.( һәрбер бармакның исеме әйтеп чыгыла).
- Бу бармак- бабай,
- Бу бармак- әби.
- Бу бармак- әти,
- Бу бармак - әни,
- Бу бармак бәби,
- Аның исеме-чәнти.
- Балалар, әйдәгез әле бергәләп тагын бер кат сөйләп карыйк.
- Рамир, бу кем?
- Бу бәби бармак.
- Дилә монысы кем?
- Бу әни бармак.
- Бик дөрес, әйдәгез икенче кулның бармакларын тоттык, бергәләп сөйлибез.
Бабай килгән- казан аскан,
Әби килгән- су салган,
Әти килгән –тоз салган,
Әни килгән- болгаткан.
ә монысы кечкенә булганга-
кетер-кетер, казан төбен кимергән.
- Бабай нәрсә эшләгән? Казан аскан.
- Ә бәби бармак нәрсә эшләгән?
- Казан төбе кимергән.
- Бик дөрес. әйдәгез, хезер бергәләп бастык, бергәләшеп сөйлибез.
Чәп-чәп чәбәкәй,
Без бит әле бәләкәй.
Без акыллы, без тәтәй
Тимә безгә, кәҗәкәй.
Булдырдыгыз балалар.

- Булдырдыгыз, балалар. әйдәгез, бабай бармакларны тотабыз, бергәләшеп сөйлибез.

Без-без –без идек,

Без унике кыз идек.

Базга төштек - бал ашадык,

Келәткә кердек - май ашадык

Каплавычны капладык.

Кап- коп, тимер куп

Ак тешемне күрсәтмим.

- Булдырдыгыз.балалар. карагыз әле, песи- шукбай безнең уйнаганны карап утырып арган. Әйдәгез аны бергәләшеп йоклатабыз.( песине караватка салалар)

Песи-песи нечкә бил

Бала тибрәтергә кил.

Ап-ак күмәч ашарсың.

Тәмле сөтләр эчәрсең.

Ашап туйгач йокларсың.

Бәлли-бәү.

- Балалар, песи йоклады. Тартмада песи сезгә күчтәнәчкә тәмле клиндерләр алып килгән. сез матур итеп дәрестә катнашканга сезгә өләшергә кушты.


Чыганак: http://шогыль конспекты
Категория: Минем мәкаләләр | Өстәде: lili (26.10.2013) | Автор: Лилия E
Караулар саны: 5373 | Рейтинг: 0.0/0
Барлык комментариийлар: 0
Комментарийларны бары тик теркәлгән кулланучылар гына өсти ала.
[ Теркәлү | Керү ]